الشاعر : احمد عوض
سكريه...
نظرتك في حد ذاتا
دعوه لي نشر القصايد
والحروف العسجدديه
التقاء اسود حواجبك
بي بياضن ذات غمزه
وبسمه في ذات مغربيه
دعوه لي نشر التسامح
وانتقاد العنصريه
شفتي كيف متحجج اكتب
من قبيل قاعد بفتش في قضيه
وقام رمشتي
من ايدي وقعت قصيده
وفرتقت حرب القبايل
وورده حبت بدقيه
دي ما القضيه
القضيه
شفت حرفين جو حلقي
قاعد يدافرو عشان يمرقو
وكل حرف طبق نعالو
قبل اخوهو عشان يسبقو
تحت فكره
مين حيقعد في قصيدتك
ومين حتقريهو بي موده
طافت الاف الفراشات
في قصيدي
باعتيار عطرك في إيدي
مدي شكل الحته ورده
الحمامات بقو نيران غيره كاربه
شافو عينك
قالو لي سلام وبردا
الخلاصه..
انسي هذه الشخبتات
وشوفي في عيني حروفك
مش كفايه
امسحي النص المرسل
واكتبيهو من البدايه
اوعا تنسي
تهبشي ااكلمات بي اديك
هي بتريدك
تاني بتقول لي نكتب
وقلمي مافيهو الكفايه
بسسس كفايه
