الشاعر : مصعب البوكش
انتي المحبة البتقت زهرة و قطن
نسجت خيوطا علي القلب
هودج حبيبة و ضل وريف
لميني زي عابر شعاع
و ارميني في حضنك ودار
ارميني
ودعة
و فال حبيب
صريني في توبك ذبيب
و اتكي في خطوك هناك
انا تهتا
و الناجي الوحيد
بت
المطر
سرقت مشاعري .. زي حفنة شفق
ودر حمار
يا سكة في الليل وهجت
يا عتمة ضوت في المدار
ديك المجرة النائية
من خلف الدروب
الجاية ليك
مسحت جبنا لهب لهب
انتي التشوفي الليل دا ابيض
من تياب محبوسة
في غرفة فراق
شرت دموعا تعب تعب
شقيق اقبل انتي نور
رامياني فيك
قلوة غناك
علي الاحاسيس و الطرب
تبانة الشوق يا حبيبة
رسمت علي دربي الرهق
و انا لسه فيك
انا حسي فيك
بيني بينك مدة إيد قدرة نفس
شهقة الريد .. و الرقيص
هبشي الصوت في يسارك
تلقي ابيض .. انتي انصع
و اربطي الريد قرمصيص
البسيني علي مقاسك
و التقاسيم يا حبيبة
وردة تتبسم رحيق
فكة الريق في البدايات
جمة لي اخر الطريق
البدايات حاجة تنشم
و النهايات سيرة فريق
و
المسافة الما بتنشاف
خيط بيغزل
فرحة من روح .. ماشة لي روح
ضحكة ايدين في السلام
غنوة صدقت في التعابير
شالا فنان .. كلما تصدح اجيك
انا حسي وين ؟؟
مش لسه فيك ..
